الفوز الکبیر کی ایک حدیث کی تحقیق

                            (تحقیقات سلسلہ نمبر ٣٢)

باسمہ تعالیٰ

السلام علیکم ورحمۃ اللہ وبرکاتہ

(هم المنافق بطنه وهم المؤمن فرسه کی تحقیق) 

سوال:- شاہ ولی اللہ محدث دہلوی رحمہ اللہ نے اپنی کتاب ( الفوز الکبیر) میں ایک حدیث ذکر کی ہے" همُّ المنافقِ بطنُه وهمُّ المؤمنِ فرسُه" اس کی تحقیق مطلوب ہے۔ 

وعلیکم السلام ورحمۃاللہ وبرکاتہ

الجواب بعون الملک الوھاب:- منافقین کے کثیر اوصاف ذمیمہ صحیح احادیث مبارکہ میں وارد ہیں، مثلاً "ثلاث من كن فيه كان منافقاً خالصاً: إذا حدث كذب، وإذا وعد أخلف، وإذا خاصم فجر" ( رواہ الستة الا ابن ماجة عن عمرو رضى الله عنه)  وغيرہ  لکین تلاش بسیار کے بعد بھی بالا سوال میں مذکور حدیث ہمیں کتب احادیث میں نہیں ملی، لہذا اس کی نسبت آپ صلی اللہ علیہ وسلم کی طرف کرنا درست اور صحیح نہیں ہے۔ 

الفوز الکبیر کی عبارت 👇

النفاق العملي كثير الوقوع:

وأما النفاق الثاني - وهو النفاق العملي - فإنه كثير الوقوع لا سيما في عصرنا هذا، وإلى هذا النفاق وقعت الإشارة في الحديث الشريف، الذي جاء فيه:

"ثلاث من كن فيه كان منافقاً خالصاً: إذا حدث كذب، وإذا وعد أخلف، وإذا خاصم فجر".

و"هم المنافق بطنه وهم المؤمن فرسه" إلى غير ذلك من الأحاديث.

ھم المنافق بطنہ الخ کا ترجمہ:- منافق کا اصل مقصد اس کا پیٹ ہے، اور مؤمن کا اصل مقصد اس گھوڑا ہے۔ 

مفتی سعید احمد صاحب پالنپوری رحمۃ اللہ علیہ نے الفوز الکبیر تعریب کے حاشیہ میں لکھا ہے: "لم اجده مع الجهد البلبغ"  مجھے یہ روایت تلاش بسیار کے بعد بھی نہیں ملی۔ 

لہٰذا اس کی نسبت آپ صلی اللہ علیہ وسلم کی طرف کرنا درست اور صحیح نہیں ہے۔

واللہ اعلم بالصواب وعلمہ اتم واکمل

فقط والسلام

⁦✍️⁩ ابو احمد حسان بن شیخ یونس تاجپوری گجراتی (الھند)

مدرس جامعہ تحفیظ القرآن اسلام پورہ گجرات

5/ ستمبر/ 2020ء 16/محرم الحرام/1442ھ بروز اتوار